Pigpara ni PNP RD PBGen. Rudolph Dimas an takot kan mga bicolano tungkol sa mga napabaretang mga nawawara,Segun sa pahayag kan opisyal kan personal ining mag atender sa launching kan KASIMBAYANAN (Kapulisan,Simbahan at Pamayanan) Road to K Fun Bike activity sa cuidad nin Naga.
Inako kan nasabing opisyal na igwang mga missing persons sa Bicol region. Alagad dai niya matumbok kung anu an motibo mantang padagos man na reneresolberan asin sinda an nakaalerto.
Miyentras na sa Camarines Sur man apuera sa pag gadan sa senior high school student na si Irish Mae Payonga nagiging sunod sunod na lugod an napapabaretang missing o nawawara alagad sa pag imbestegar kan PNP nagsungko o nagpasyar sa karelasyon asin an iba nagka egwang problema sa pamilya.
Sa ultimong baretang nawawara iyo an 14 anyos na residente kan banwaan nin Goa Camarines sur, na estuyante kan banwaan nin Pili. (Joey H. Lim)
