Sa nakalabay nga bagyong Paeng niadtong niaging semana halos tibuok nasud ang gibinlan og danyos niini.
Sa dakbayan sa Sugbo dili mo minus sa 248 ka mga mag-uuma sa 16 ka mga Barangay ang apiktado sa bagyong Paeng, kana maoy gipahibalo ni Cebu City Agriculturist Joey Baclayon basi sa fb page post ni Ramil Ayuman, ang secretary for special projects ni Cebu City Mayor Michael Rama.
Sa 16 ka mga Barangay sa bukiran nga bahin adunay 104.05 nga hektarya ang apiktado sa bagyong Paeng.
Ang mga tanom nga naapiktuhan sama sa: sweetcorn, cutflower, ornamental, eggplants, tomato, pepper, lettuce, cabbage, cucumber ug spring onions.
Kasagaran sa mga apiktadong mag-uuma nangadaot ang ilang pananom sa dili muminos 80 purcento niini.
Mao usab kini ang mga barangay nga naapiktuhan sa naasoy nga bagyo: Barangay Adlaon, Babag, Ninaliw, Borbon, Budlaan, Boot, Busay, Cambibucot, Guba, Kalunasan, Lusaran, Mabini, Malubong, Pamutan, Paril, Pulangbato, Pung-ol, Saoangdako, Sinsin, Sudlon 1, Sudlon 2, Sirao, Tabunan, Taptap ug Tagbao.
Sa mga apiktadong mag-uuma naglaum sila nga adunay tabang financial gikan sa kagamhanan. (Renante Lada, photo credits to the owner)