Sa ginibong press briefing ngonian na aga, Hunyo 12, ipinahayag ni Albay Governor Edcel Lagman na saiyang ideneklara an Preparedness Status sa 7-kilometers Extended Danger Zone (EDZ. Gusting sabihon pweding magsagibo nin evacuation ano man na oras.
Saiya pang pig-inganyar an mga residents sa mga nasasakupan na lugar na ipreparar an saindang kinakaipuhan na dadarahon sa mga evacuation centers.
Mientrastanto sa mga nagin pahayag man ni Resident Volcanologist Paul Alanis sainda naman pinagiisipan na ilangkaw sa Alert level 4 inkaso padagos sa abnormalidad na pagpapaheling an Bulkan Mayon.
Segun man ki APSEMO OIC Eugene Escober nasa 88% na kan populasyon sa 6 Km Permanent Danger Zone an naibakwar na ngonian na aga, Mantang sa mga nainot na pahayag kaini sobra sa 40,000 na katao an pweding iibakwar hali sa 7km EDZ kun ingkaso maitaas an Mayon sa Alert Level 4. (Jv Navarro Verdeflor Jr.)
(Source: PIA Albay, photo credits to the owner)