Nagkadaiyang mga personalidad ug mga kawani sa kagamhanan sa dakbayan sa sugbo ang nisalmot sa clean-up drive, niadtong adlaw na Sabado, Hunyo 1O, 2023.
Nikabat sa 92.13 ka tonelada sa basura ang ilang nakulekta sa dinungan na clean-up drive sa managlahing lugar sa siyudad sa Sugbo .
Si City Administrator Atty. Collin Rossell, nibutyag nga ilang gipangusgan karon ang tulo ka “G’s” nga maoy kinahanglang buhaton aron makab-ot ang Singapore-Like na dakbayan sa Sugbo.
Sama sa “Good Government Services, solving the Garbage problem, and addressing addressing Graffiti.”
Nipasabot usab si Cebu City Councilor Joel Garganera, chairman sa environment and natural resources, energy and other utilities, kung unsa ka importanti ang paglimyo sa katubigan kay mo reflect kini sa kalimyo sa siyudad sa Sugbo.
Nag awhag si Garganera sa mga Sugbu-anon nga magkahi-usa aron makab-ot ang tinguha nga kasulbaran sa problema kalikupan sa dakbayan sa Sugbo.
Mahinumduman nga atol sa mga pag-uwan daling mubaha ang mga lugar sa dakbayan sa Sugbo gumikan sa mga basura nga mubara sa mga kanal.
Walay hunong usab sa panawagan si Cebu City Mayor Michael Rama na magkahiusa ang mga Sugbu-anon aron makab-ot ang Singapore-Like na dakbayan. (Renante Lada)
(News & photo courtesy of Cebu City PIO)