Pormal nang nilagdaan ang kasunduan para sa South Long Haul Project (SLHP), na bubuo sa railway system mula Calamba, Laguna patungong Daraga, Albay.
Sa ulat ng Department of Environment and Natural Resources (DENR) Calabarzon, kanilang nilagdaan ang tripartite agreementpara sa proyektong ito kasama ang Department of Transportation (DOTr) at Philippine National Railways (PNR).
Layunin ng kasunduan na mapabilis ang paglalabas ng datos na kailangan para sa proyekto kabilang ang land records, lalo na ang Technical Descriptions, Approved Plans, Lot Data Computations, Subdivision Plans, Certificate of No Records, Cadastral Maps, Lot Gaps, at iba pang dokumento.
Ang Parcellary Survey Package 1 sa ilalim ng SLHP ay naglalayong bumuo ng 380.38 kilometrong railway system mula Calamba, Laguna patungong Daraga, Albay. Binubuo ito ng 22 istasyon. (Jv Navarro Verdeflor Jr via PIA Albay, photo credits to the owner)