Pormal nang binuksan sa publiko an Menopause Clinic sa Bicol Regional Hospital and Medical Center o BRHMC o dating Bicol Regional Training and Teaching Hospital o BRTTH.
Sa ginibong press conference kan mga medical experts sa paglansar kan nasabing clinic, ipinaliwanag ni Dr. Charmaine Claire Agcaoili, Department of Obstetrics and Gynecology Head, na an menopause bako helang. Ini natural na pinag-aagihan kan gabos na mga kababaihan alagad may mga sintomas na kaipohan matawan nin magkakanigong atensyon dahil posible ining magkawsa nin maraot na apekto sa salud.
Para sa mga mawot mag-aprubitsar kan mga serbisyo sa Menopause Clinic, puedeng makipagkoordinar sa saindang Rural Health Units tanganing mairefer sa BRHMC. Puede man komunsulta sa paagi kan Facebook pages kan BRHMC TeleHealth Project o BRHMC Menopause Clinic. An mga serbisyong ini libre asin bukas sa gabos na mga kababaihan asin transgenders na nakaka-eksperyensya nin menopausal symptoms.
An nasabing clinic bukas kada Hwebes, alas 9 nin aga sagkod alas 11 nin pagkaudto. (Jv Navarro Verdeflor Jr.)
(Source PIA Albay, photo credits to the owner)