Pagtangis kan pamilyang nabayaan kan 5 katawo na binawian nin buhay matapos na mag kararigos sa kadagatan kan Brgy. Dolo, San Jose, Camarines Sur alas 9 y medya kasubagong aga, Abril 8.
Binisto an mga biktima na sinda Rizza Hermosa, 17 anyos, Jhona Hermosa, 17 anyos, Rhea Pino, 18 anyos enterong residente kan Brgy. Catagbacan, Goa, Camarines Sur, Rafael Pino, 18 anyos asin Regine Pino, 16 anyos parehong residente kan Naga City.
Dinara pa man kuta sa Medicare Hospital an mga nabutod na persona alagad 5 sa mga ini an pig deklarang dead on arrival.
Maswerte naman na nakasalbar an 12 anyos na si Jean Rose Pino na nag paparahay na ngunyan sa ospital .
Mientrastanto Pasado alas 3:18 ngunyan na hapon, kan madukayan an hawak kan 16 anyos na si Ashley Rose Hermosa kan Brgy. Catagbacan, Goa, Camarines Sur na inot nang napabaretang pinaghahanap matapos na magkarigos dangan mabutod sa nasabing kadagatan kaiba an mga kapamilya.
Sa ngunyan, dai pang kompletong detalye na pig papaluwas an MDRRMO San Jose dapit sa kun sain eksaktong nadukayan si Hermosa. (Jv Navarro Verdeflor Jr.)
Source: MDRRMO San Jose, photo credits to the owner)