Pinanginutan kasuodma ninda DSWD Sec. Erwin T. Tulfo, an ginibong Blessings and Inauguration kan bagong buksan na DSWD Satellite Office sa laog mismo kan Iriga City Terminal, kan Brgy. San Roque, katuyuhan kan bagay na ini na mas mapakarhay an paghatod kan serbisyo kan nasabing agencia, na mas masimbagan an mga pangangaipo kan mga nagtitios na namamanwaan hali sa cuida nin Iriga asin man mga pagtaraid na munisipyo.
Naging mga mayormenting bisita kasuodma sa singing of MOA and inauguration Kan DSWD satellite office sinda DSWD Usec. Rowena Taduran, Regional Director Norman Laurio, presente man sinda Vice Governor Salvio Fortuno Jr., na nagreprentar ki Cam, sur Governor Luigi Villafuerte, yaon mismo si Mayor Rex Oliva, Vice Mayor Edsel Dimaiwat kaibahan an mga miyembros kan Sangguniang Panglungsod, mga department Heads mga head of office kan manlain lain na LGU, mga mayors sa Rinconada area, asin man mga miyembros kan Media, asin mga civil society groups.
Miyentrastanto dakulang pasalamat an ipinaabot ni Mayor Rex Oliva ki DSWD Sec. Erwin T. Tulfo, bako lang sa bagong satellite office kundi maging sa iba pang mga programa, project asin iba pang serbisyo, arog kan 4Ps, SLP, Balik probinsiya, Bagong Pag-asa program, educational assistance, social pension for Senior citizens, Supplementary Feeding, asin AICS.
Paramas mapangatamanan an kapakanan kan mga tao. Sinabe sa naging menshe ni DSWD Sec. Erwin T. Tulfo na sa naging marching order saiya ni President Ferdinand Marcos Jr., na mayong kolor politica an saindang pagtabang an anu man na itatao ninda sa Cebu asin sa Ilocos iyo man an itatao sa mga Bicolano basta an kolor brown siguradong nindang tatabangan asin sa aldaw mismo kan tabang nahahagadon kan mga tao sa DSWD makukua tulos ta iyo ini an gusto kan satuyang presedente asin sa saiyang manihamento komo DSWD Secretary.Kabali digdi an tabang sa transportasyon, medikal, burial, pagkakan tabang sa educasyon, prioridad ninda an familyang nagtitirios, mga familyang kabali sa impormal sector,marginalized asin vulnerable. (Joey H. Lim)