Atok, Benguet – Isang pampasaherong bus na papuntang Bontoc, Mountain Province ang tumaob habang binabaybay nito ang kahabalaan ng Halsema Highway sa Caliking, Atok Octobre 17, 2022.
Batay sa report, ang nasabing bus ay nawalan ng preno na naging sanhi ng aksidente. Apat sa mga 27 pasahero ang dinala sa Benguet General Hospital para bigyan ng paunang lunas matapos na magtamo ang mga ito ng sugat sa nasabing aksidente.
Ang mga nasugatan ay kinilala na sila Josephine Lyne Pelew, 10 taong gulang, Marilyn Pekdasen Khayad 62 taong gulang, Summer Faith Tarnate Doguines 26 taong gulang at si Sherwin Pat-Ogan 40 taong gulang. Ang isang dahilan sa pagka asidente ayon sa kapulisan ay madulas ang kalsada at mahamog ang lugar. (Joel Cervantes, photo courtesy of PNP Benguet)
