E presentar ning sayong kabuntagon sa mga sakop sa Media ang suspetsado nga nipusil patay sa tindero didto sa Barangay Tabunok, Dabayan sa Talisay niadtong niaging hapon.
Ang suspetsado nga positibong giila sa Talisay City Police Office pinaagi sa ilang hepe nga si Police Lieutenant Randy Caballes mao si Jonar Villagonzalo, hingkod ang pangidaron.
Siya maoy gituhuan nga nipusil patay ni Alvin Cinco samtang nagtrabaho kini isip tindero sud sa merkado publiko.
Sa nasayran nitahan kini sa iyang kaugalingon human nakunsensya sa krimin na iyang nabuhat.
Gituhuan nga selos maoy motibo sa maong pagpusil patay ni Cinco.
Matod pa ni Caballes nga ang kapulisan sa Dakbayan sa Talisay nihimo gyud dayon og lakang aron pagsulbad sa maong krimin. (Renante Lada, photo courtesy of Randy Caballes Facebook page)