Duwang pulis kan Oas, Albay pinagbabadil gadan ini mantang nagpapatrolya harani sa compound kan St. Michael Church poko mas omenos alas 12:45 kaso Bangui, Pinagbisto an mga biktima na sinda Pol.Chief Master Sgt. Joseph Ostonal asin Pol. Corporal Jeffrey Repereza.
Sa inisyal na imbestigasyon ng Oas PNP, nagpapatrolya an duwa asin sinitar an mga tawong nakatambay harani sa simbahan asin estasyon nin pulisya huli sa may baraylihan sa nasabi nang lugar. Pakalihis kaini bigla na sanang pinagbabadil an duwang pulis. Fatal an tama kan mga biktima sa payo. Nakua sa crime scene an sarong kalibre 45ng badil.
Mientrastanto tulos man nagsagibo nin operasyon an Oas PnP katuwang an mga operatiba sa kataed na estasyon kan pulisya arog kan Polangui Police. Sa paglamag kan mga operatiba nakaabot an mga ini sa banwaan kan Polangui asin nadakop an duwang suspetsado na dae pa pinangaranan.
Sa ngonian nagpapadagos pa an pursuit operation kan mga awtoridad huli sa pagtubod na igua pa ining mga pag-iriba an mga suspek (Jv Navarro Verdeflor Jr.)
(Source: Oas MPS Albay Ppo, photo credits to the owner)