Dagiti nakipaset iti training program ket dagiti Local Economic Development and Investment Promotions Officers ti llocos Norte a responsable iti panangawis iti ad-adu pay nga investments ditoy probinsia.
Daytoy dua nga aldaw a panagsanay ket nairaman ti serye ti diskusion maipapan kadagiti panangitandudo ken estratehia ti panagpuonan, open forums, workshops, assessments, ken course integration.
Panggepna nga ipaay dagiti makipaset iti kasapulan a pannakaammo ken paglaingan tapno maallukoy dagiti investments, maiturong ti panagdur-as ti negosio, ken mangpataud kadagiti sustainable economic opportunities iti llocos Norte.
Naitampok iti nasao nga aktibidad dagiti eksperto iti benneg ti investment promotions nangibinglay kadagiti padas ken napateg a panangiwanwan kadagiti nakipaset.
Daytoy ket nangitukon pay kadagiti gundaway ti panagnetwork, a nangipalubos kadagiti timmabuno a makikonektar kadagiti kapatadanda iti industria ken mangipasdek ti nabunga a panagtitinnulong kadagiti nakipaset iti daytoy.
Kabayatanna, inyebkas ni llocos Norte Governor Matthew Marcos Manotoc ti naan-anay a suportana iti Economic Sector ken ti panangibaga ti LGU. (April Joyce Gonzales)
(Source: Provincial Government of Ilocos Norte)