Sufeciente an suplay nin mga basic necessities and prime commodities sa probinsya kan Albay sa laog nin 15 na aldaw sagkod sarong bulan kun kaya mayo nin dapat na ikahandal an mga nasa evacuation center
Sa mga nagin pahayag ni Department of Trade and Industry (DTI) Bicol Officer-in-Charge Regional Director Dindo Nabol matapos ideklarar an probinsya sa State of Calamity huli  sa pag-alboroto kan Bulkan Mayon na ngunyan nasa Alert Level 3.
Segun pa ki Nabol dae man maapike an pag-abot kan mga produkto hale sa ibang lugar huli sa solamenteng an probinsya kan Albay an apektado kan abnormalidad kan bulkan kun kaya dae man pig-rerekomendar an pag-suroksukan nin mga parabakal sa mga tindahan.
Segun pa ki Nabol an rason sa deklarasyon nin state of calamity iyo na mapautob nin price freeze sa gabos na basic necessities and prime commodities. Pakukusugon man an  pag – monitor kan ahensiya sa mga establisimiento para masiguro na nagsusunod sa nasabing orden. (Jv Navarro Verdeflor Jr)
(Source: DTI Bicol, photo credits to the owner)