Gihangyo sa syudad ubos sa administrasyon ni Mayor Rolando `Klarex’ Uy pinaagi sa Technical Working Group (TWG) sa Rio de Oro Boulevard ang mga opisyal sa pito ka mga barangay palibot sa boulevard nga motabang pagmintinar sa kalimpiyo sa maong dapit.
Nakigpulong ang TWG nga gidumala ni Atty. Jose Edgardo Uy sa mga punong barangay sa Barangays Consolacion. Puntod, Barangays 17, 15, 10, 7 ug 13, adlaw’ng Biyernes Hunyo 9, aron mahibaw-an usab sa maong mga opisyal ang ilang responsibilidad.
Gipasabot ni Atty. Uy nga isip mga punong barangay usa sila sa mga deputy sa mayor ug adunay tulubagon sa katawhan, sila usab mga manager ug tigpanalipod sa boulevard aron magpabilin ang kalimpiyo ug kapatsada niini.
Dumdoman nga sa pag-abri sa boulevard gipanawagan ni Mayor Klarex ang katawhan nga tabangan ang syudad nga mapanalipdan kini ug mamintinar ang katahum ug kalimpiyo.
(News and photo courtesy of CIO CDO)