Sa mandato nan ato Mayor Pablo Yves L. Dumlao II, padajon an ato City Traffic Management Office sa pag-towing ng mga pinasagdan na mga junk vehicles.
An ato CTMO, tagsuroy ang Brgy. Lipata sanan Brgy. San Juan para panguhaon an mga daot na mga sakyanan daplin sa ato mga kadayanan na dugay na tag-abandona nan mga tag-ija. Kani na mga junk vehicles, tagdaya sa junk yard didto sa Sanitary Land Fill.
Para sa seguridad nan mga Surigaonon, tagpangtangtang an mga guba na sakyanan na jaon nag-atang sa ato mga sidewalk para magamit balik nan mga magbaktas sanan dili mabayayan ng lamok na nagdaya ng mga sakit.
Pahinumdom sa tanan na an ato sidewalk para ini sa mga magbaktas, safety sa ato mga taga Surigao ug bisita sa ato siyudad, sanan dili ini gamiton para himoon storage nan mga guba na sakyanan.
Tinabangay kita mga Batang Surigaonon para sa ikalimpyo nan ato siyudad.
(Source: Surigao City PIO Facebook page)