Pinag-aragap-agapan na sigbuhon kan mga kabuhan kan Bureau of Fire Protection kan Baao Camarines sur an sarong building kan LCC Baao Inc. huli sa biglaan na paglaad sa laog kaini kaso udma July 2, 2023 mga alas 2:27 nin pag-kahapon.
Sa mga nagin pahayag ni SFO3 Dario Panerio Pamayo kan BFP Baao Cam. Sur kan makondusiran nin intrevista sa programang Bicol connection kan RPN-DZKI Iriga nag-gikan an kasulo sa laog kan Alumni Bldg. kun saen kataed sana kaini an Book Store na pinag-punan soboot kan kasulo asin  nabayaan na switch nin ilaw sa may kisame duman nag dalihig an pag-spark kan koryente pasering sa may mga nakatambak na libro asin mga uniporme kun kaya madaling nagluyap an kalayo.
Mientrastantong nag arabutan man para tumabang an iba pang mga BFP na hali sa Iriga, Nabua asin mga pagtaraed na banwaan, sa ngonian pinaghahalat pa man kan BFP Baao na makaulay ninda an pamayo kan eskwelahan para maaram kun pira mananggad si naging danyos kan kasulo sa nasabi nang building kan LCC Baao Inc. (Jv Navarro Verdeflor Jr. Interview with SFO3 Dario Panerio BFP Baao Cam. Sur)