Dandani 20 milyon a pisos ti balor amin dagiti naibunong manen a tulong ti gobierno probinsial babaen kenni Gobernador Mathew Marcos Manotoc kadagiti mannalon ken mangngalap iti INAFEC building iti provincial agriculture office.
Daytoy ket kalpasan a pormal a nagibunong manen ti gobernador iti adu a pagsayaatan kadagiti mangngalap ken mannalon a nagkiddaw iti Agri Ka Dito programa ti gobierno probinsial.
Dagiti nagbalin a recipients wenno immawat ket manipud iti laoag City, batac City, Sarrat, Bacarra, Bangui, Burgos, Pagudpud, Dingras ken Vintar.
Maibilang kadagiti naibunong ket agri inputs, Off season vegetable production, rehab seeds, farms machineries ken fishery support kadagiti agkalkalap.
Inasistiran met dagiti agpapaay iti Sustainable Development Center ken Provincial Agriculture Office ti Gobernador kabayatan iti pannakaibunong dagiti nasao a ramit ken kasapulan iti panagtalon.
Maitiempo unay iti pannakaibunong manen dagitoy a pagsayaatan dagiti agtaltalon ken mangngalap gapu ta umadani manen iti panawen ti panagtalon.
Ginutigut manan ti gobernador dagiti umili nga agsurat ken idanon laeng dagiti kalikagum a kiddawen iti probinsia babaen iti Agri Ka Dito program a pakaidanonan dagitoy a tulong. Â (Cita Macalipis)
(Source: Provincial Government of Ilocos Norte – Communications & Media Office)