General Santos City – Tagak sa gipahigayong drug entrapment operation sa Honorio Arriola St., Barangay Bula, General Santos City niadtong nakalabayng Sabado July 1, 2023. Pinaagi sa hiniusang pwersa sa CPDEU, Police Station 6, CIDMU; RPDEU 12; RID 12; RSOG12, RIU 12 ug CIT-Gensan sa pakig-alayon sa PDEA 12, nasikop ang suspek nga si Allan Rosales Soto alias “Allan”, 48 anyos, minyo, trisikad driver ug residente sa Purok 4, Barangay Bula, General Santos City.
Napalitan sa usa ka nagpakarong-ingnong poseur buyer ang suspek ug usa ka small-sized sachet sa gituohang shabu nga nagkantidad ug Php500.00. Lain pang sachet sa gituohang shabu ang nakumpiska gikan sa suspek diin may timbang nga 15.2 ka gramos nga may National Standard Drug Price mokabat sa Syento Tres Mil ,tresyentos Saysenta ka Pesos (Php103, 360.00. )Ang nakumpiskang droga ang gisubmitar na sa Regional Forensic Unit alang sa laboratory examination. Kasong kalapasan sa Section 11 ug 5 sa Art II sa RA No. 9165, o “Comprehensive Dangerous Drugs Act of 2002”, ang gipasaka sa kapulisan batok sa suspetsado. (Rey G. Ombana)