Davao City – Gipasigarbo sa mga empleyado sa lokal nga kagamhanan sa syudad sa Davao ang IP-Inspired costume.
Kini subay sa Ordinance No. 086-22 syudad diin giawhag ang mga empleyado sa LGU nga musuot og IP o Moro inspired attire o accessories sa kada unang Lunes sa bulan.
Tumong niini nga mapakita ang local culture ug ang onse ka mga tribo sa Davao City.
Sumala ni Davao City Information Officer Harvey James Lanticse, nga magpadayon ang ilang pagsuporta sa mga inisyatibo nga ma-promote ang lokal nga kultura labi na ang mga tribong anaa sa syudad.
Nalipay ug na-excite sab si Lanticse nga makita ang mga empleyado nga nagsuot sa mga IP o Moro inspired attire atol sa flag raising kaganihang buntag, Hunyo 5. (Camille Santos Naraga)
(Source: City Government of Davao)
