Davao Del Sur – Hima rehas sa prisuhan ang usa ka 27-anyos nga lalaki human nga nadakpan sa drug buy-bust operation sa mga sakop sa Digos City Police Station sa pagpanguna ni Police Captain Diosdado Niones II ubos sa supervision ni PLt. Col. Hamlet Lerios sa Bonifacio 3rd, Bonifacio St. Barangay Zone III Digos City.
Giila ni Police Captain Diosdado Niones II ang suspek nga si Christopher Ruelan nagpuyo sa lungsod sa Malalag.
Sumala ni Police Captain Niones nga ang suspek napalitan og usa ka pakete ug nakuhaan sa laing duha ka mga pakete sa gituohang shabu, 1.01 grams ang gidaghanon kantidad og P15,150.
Sa karon magtubang sa kasong paglapas sa RA 9165 Comprehensive Dangerous Drugs Act of 2002 ang giingong suspek. (Camille Santos Naraga)
(Source: Davao del Sur PNP)