Davao City – Ginganlan na ang mag suspek ug gipasakahan na kini ug kaso sa Davao City Police Office (DCPO).
Sumala ni DCPO City Director PCol. Alberto Lupaz, nga gipasakaan na og kasong Rape with Homicide silas Kent Espinosa, Reynato Bayansao alyas Empoy, Dennis Roy Panzan ug ang usa ka John Doe.
Dugang ni Lupaz nga ang mga suspek gitudlo sa mga witness nga silas alyas michael ug alyas Joan nga responsable sa pagpanglugos-patay kang Architect Vlanche Marie Bragas niadtong Mayo 17, 2023.
Wala na present sa kapulisan ang mga suspek atol sa press conference ug wa sab nila ma-presenta ang umbak nga gisakyan sa biktima.
Samtang, Sumala ni DCPO Spokesperson Police Major Catherine Dela Rey, missing pa gihapon si Espinosa ug wa pa makit-e samtang si alyas Empoy ang anaa sa kustodiya sa PDEA. (Camille Santos Naraga)
(Source: DCPO)