Pormal nang giablihan kagahapon sa may alas 4:00 sa kahapunon ang Inter-Purok Basketball League sa Brgy. Washington uban sa temang: “Pagkakaisa, Paglinang at Pagkakaibigan sa Pamamagitan ng Pampalakasan.”
Kini gipahigayon didto sa Brgy. Washington Gymnasium sa pagpanguna sa Sangguniang Kabataan pinaagi na ni LIEZL JOY CONIA, ang Chairwoman, uban sa mga opisyales sa barangay sa pagpangulo ni Punong Baranggay CHRISTOPHER “BOYET” BONITE.
Gipahigayon ang motorcade adisir sila mihimo sa pangabli nga programa sulod sa gymnasium.
Sumala ni Ms. Conia, nga kini ilang ginahimo matag tuig aron mahilikay sa druga ang mga kabatan-onan ug mamahimong himsog ang ilang panglawas.
Sumala usab ni Kapitan Bonite, nga ang maong liga ang gisalmutan sa 27 ka purok ug kini mulungtad sulod sa tulo (3) ka bulan. Ang palarang kampeon makadawat ug baynte mil ka pesos (P20,000.00) nga gidonar ni Cong. Robert Ace Barbers. (Jun Prex Salubre, Ronda 6 RPN DXKS)