Institutional amendments na ipinasok ni Lacson sa proposed 2020 national budget higit na mas malaki kaysa sa Kamara —Solon

Mas malaki ang mga isiningit ni Senator Panfilo “Ping” Lacson sa proposed 2020 national budget kaysa sa mga amyendang ginawa ng Kamara.

Ito mismo ayon kay Anakalusugan Rep. Mike Defensor kung saan ibinunyag nito na pumapalo sa P51-B na institutional amendments ang ipinasok ni Lacson sa ilalim ng general appropriations bill ngayong taon.

Aniya, mas malaki ito kumpara sa P9.2-B na institutional amendments ng Kamara para sa taong 2020.

Gayunman, kumpiyansa si Defensor na magkakasundo rin ang dalawang kapulungan ng Kongreso sa pagsalang ng general appropriations bill sa bicameral conference committee.