Inflation rate sa Northern Mindanao mitaas karong bulan sa Marso 2024

0
16

Northern Mindanao – MITAAS sa dyutay ang inflation rate sa Northern Mindanao alang sa bulan sa Marso ning tuiga. Base sa gipagawas nga datos Philippine Statistics Authority (PSA X), anaa sa 3.9% ang kapaspas sa pagtaas sa presyo sa mga batakang palaliton sa nasampit nga rehiyon.
Mas taas kini sa .5% sa bulan sa Pebrero nga anaa lamang sa 3.4% apan mas ubos kon itandi sa 7.4% sa samang bulan miaging tuig.
Diri sa Cagayan de Oro, gikan sa 2.7% nga inflation rate niadtong bulan sa Pebrero ning tuiga, mas nipaspas ang inflation ngadto sa 3.3%, apan mas ubos kini kon itandi sa samang buwan sa miaging tuig nga anaa sa 2.1%
Samtang sa Misamis Oriental, mius-os kini sa 3.8 gikan sa 4.0 niadtong bulan sa Pebrero ning tuiga ug mas ubos kini kon itandi sa 8.3% nga inflation rate sa susamang panahon sa miaging tuig.
Ang mga butang nga naglangkob sa kausaban sa inflation rate sa mao ang Housing naa anaa sa 4.5%, Food and Non-Alcoholic Beverages nga misangko sa 6.6%, Transport nga anaa sa 2.5, samtang ang Financial Services nagpadayon gihapon nga anaa sa -0.1.
Sa bulan sa Marso miigo ang Lanao del Norte sa adunay pinakataas nga pagsaka sa inflation nga anaa sa 5.1%, gisundan sa probinsya sa Bukidnon nga naa sa 5.0%, Isla sa Camiguin nga anaa sa 4.2%, Misamis Oriental nga anaa sa 3.8%, Cagayan de Oro City ug Iligan City nga anaa sa 3.3%, ug Misamis Occidental nga ana lamang sa 2.3%.

 

News and photo by Cheleste Simene

Leave a Reply