Inflation rate sa mga susunod na buwan posibleng bumaba

Posibleng lalo pang bumaba ang maitatalang inflation rate para sa mga susunod na buwan.

Batay ito sa pahayag na inilabas ng Bangko Sentral ng Pilipinas (BSP), makaraang bumagal sa 2. 4 percent ang inflation rate para sa buwan ng Hulyo.

Ayon pa sa BSP, ang naitalang inflation rate nitong nakaraang buwan ay tugma sa kanilang assessment na bababa ang inflation sa ikatlong kwarter ng taon.

Kaugnay nito, sinabi naman ng BSP na nakatulong sa pagbagal ng presyo ng mga pangunahing bilihin at serbisyo, ang sapat na suplay ng pagkain.