Imbestigasyon sa serye ng pagpatay sa mga abogado inihirit

Inihihirit ngayon ni Sen. Leila De Lima sa senado ang isang imbestigasyon sa serye ng pagpatay sa mga abogado sa bansa.

Ito ay matapos masawi ni Atty. Nicolas Gomez Jr., matapos itong barilin ng riding-in-tandem noong Hulyo 28 sa Valencia, Bukidnon.

Ayon kay De Lima, dapat nang kumilos ng senado dahil aabot na sa 41 hukom, piskal at abogado ang nasawi at nabiktima ng karahasan mula ng maupo sa pwesto si Pangulong Rodrigo Duterte noong taong 2016.

Paliwanag ng senadora, dapat itong pag-aralan at busisiin ng senado upang matukoy kung ang mga nangyaring pagpatay ay isang uri ng systematic attacks laban sa mga nasa legal profession.