Naruay manen a bisbisita ti simangbay iti probinsya nga ilocos norte sipud pay idi kalman agpatengga inton bigat aldaw ti sabado gapu iti pannakaisayangkat ti 74th annual convention ti grupo ti philippine institute of public accountants wenno picpa
Umab abot ti lima ribu dagiti certified public accountants wenno cpa ti nagsangpet iti probinsya tapno agatendar da iti agtinnawen a convention da a maangay iti plaza del norte convention center iti ili ti paoay, ilocos norte
Agserbi met a kas keynote speaker iti nasao a convention ni ilocos norte governor matthew marcos manotoc
Maragsakan ti gobernadoor agsipud ta ti ilocos norte ti maysa kadagiti probinsya a kaay ayo a pakaisayangkatan kadagiti national conventions agsipud ta itay napalabas a bulan ket dagiti met association of tourism officers wenno ato ti immay nangisayangkat ti convention da iti ilocos norte. (rod sadian)