Ilang Pilipino ikinulong sa detention center sa Sabah

Ilang mga Pilipino kabilang na ang mga bata ang ikinulong sa detention center sa Sabah, dahil sa pananatili ng mga ito ng iligal sa Malaysia.

Batay sa ulat, sa isang video na kuha ng isang Pinoy na bumisita sa detention facility nakuhanan na may mga batang Pinoy na kasamang nakakulong.

Magugunitang sinimulan ng pamahalaan ng Malaysia nuong nakaraang Agosto ang kanilang kampanya laban sa mga dayuhan na iligal na namamalagi sa kanilang bansa.

Sa ngayon ay inaalam na ng Department of Foreign Affairs (DFA) ang detalye kaugnay sa video na may bata na kabilang sa mga nakapiit sa detention facility sa Sabah.