Cebu City – Napun-an og napu ang gidaghanon sa mga namatay sa coronavirus disease sa dakbayan sa Mandaue.
Apan gitataw sa PIO o Public Information Office nga ang maong ihap wala mahitabo sa usa lang ka adlaw.
Nahitabo kini gikan sa Hunyo 17 ngadto sa Agosto 5 apan sa miaging adlaw lang matala.
Sumala pa sa PIO, nag-edad ang mga nangamatay sa virus og gikan sa 44 ngadto sa 74 anyos.
Gipasabot sa PIO nga ang pagtala sa mga patay dili inadlaw kay nagkinahanglan man kini og verification ug confirmation.
Nunot niini, miabot na ang tanang mitaliwan og 92.
Nakatala usab ang Mandaue og walo ka bag-ong gitakboyan sa Covid 19 ug lima ka naulian sa samang adlaw.
Pagka karon, aduna nay kinatibuk-ang 2,060 ka kaso sa virus ang Mandaue apan 248 lang ang aktibo samtang ang naayo, 1,720 na.
Ang napu nga uwahing natalang namatay sa COVID-19 gilangkoban sa tagurha sa Brgy. Alang-alang, Paknaan, Looc ug Subangdaku; ug tagsa sa Mantuyong ug Pagsabungan.
Samtang ang walo ka bag-ong nataptan gilangkoban sa tagurha sa Brgy. Umapad ug Casili; ug tagsa sa Subangdaku, Cabancalan, Jagobiao ug Basak.
Ug ang lima nga nakarekober naglangkob sa duha sa Brgy. Jagobiao ug tagsa sa Canduman, Ibabao, ug Tipolo. (Jhon Tadlip/ JTY)
(Source: Mandaue City Public Information Office)