Cebu City – Miluwat na ug official statement ang usa ka hospital sa Syudad sa Sugbo nga gipasakahan ug kaso sa National Bureau of Investigation 7 labot sa pasangil sa giingong iregularidad sa PhilHealth Claim.
Gihimug atan sa Adventist Cebu-Hospital ang ilang padayon nga dedikasyon sa pag suporta sa goberno pag flatten sa Covid-19 Curve nonot sa kakuyaw nga dala sa pandemiya nga kapin na sa usa ka tuig.
Apan ilang gikasamuyo ang public announcement sa NBI labot sa pasangil sa giingong fraudulent claim sa PHIC ug ang alegasyon sa pagpakig konsabo sa maong ahensya, nga wa sila ( hospital) hatagi ug kopya sa formal complaint-ilang staff, physician ug sa pag refute sa mga akusasyon batok kanila.
” Had the attending physician been given the chance to explain the clinical/medical management, her sound expertise and professional judgement could have strongly shed light to the investigation,” tipik sa official statement sa Adventist Hospital-Cebu.
Masaligon ang hospital management nga ang ilang hospital staff ug physician mihimo sa ilang duties and responsibilities nga ilang gihulagway ” with utmost truthfulness and benevolence.
Dugang niini nga misubay sila sa “updated” guidelines nga gilatid sa PhilHealth.
Ilang giangkon nga siguro sila nga ang tanang PHIC claims mi-agi sa makuti nga proseso ug strikto nga pagsunod sa criteria ug guidelines sa PhilHealth.
Ang maong tambalanan moduso sa ilang counter-statement pagpakita sa ilang pagka inosente ug “total absence of malice sa PHIC claims” sa higayon nga madawat na nila ang official copy sa complaint.
Sa ilang bahin, mibarug sab ang PhilHealth Regional Office 7 pinaagi ni Regional Vice-President Edwin Oriña, M.D., batok sa alegasyon sa NBI-7.
Padayon silang misandig sa ilang na unang giluwatan nga pamahayag nga nagsunod sila sa guidelines sa pag proseso sa claims subay sa published circulars nga gilatid sa policy-making sector ug gi aprobahan sa PhilHealth Board. (Jhon Tadlip/JTY)
(News & photo courtesy of Adventist Hospital-Cebu | PhilHealth Region VII)