Upat ka mga baka ang gi-dispersed sa City Veterinary Office ngadto sa mga hog raisers nga naapektuhan sa African Swine Fever (ASF) sa Barangay Mambuaya bag-ohay lang.
Ang Brgy. Mambuaya ang unang barangay sa syudad nga naigo sa ASF outbreak niadtong bulan sa Pebrero ning tuig.
Tungod niini, kasamtangan nga gidid-an una sa City Veterinary Office ang swine raising o’ pagbuhi og baboy sa maong barangay hangtod masiguro nga wala na ang ASF virus sa nasangpit nga lugar.
Gipasabot ni Acting City Veterinarian Dr. Lucien Anthony Acac nga ang cattle dispersal ubos sa Animal Dispersal Program usa lamang sa mga livelihood assistance sa ilang buhatan alang sa mga mag-uuma nga grabeng naigo sa ASF. (City Veterinary Office)