COVID Deaths Sa GenSan Anaa Na Sa 105; 2 Bagong Natala Nga Patay

Nagpabilin ang General Santos City nga adunay highest Covid-19 related deaths sa Soccsksargen area, human matala ang duha pa nga pasyenteng nakabsan sa kinabuhi.

Gikumpirma sa Department of Health ang pagtaliwan sa 49 years old ug 72 years old patients, kansa pulos mga babae ug parehong nagpositibo sa coronavirus disease 2019 infection.

Sa karon, anaa na sa 105 ang citywide death toll, asa maong pinakataas sa tibuok Region 12.

Samtang sa regionwide tally, misaka na sa 303 ang ihap sa nakabsan sa kinabuhi gumikan sa pandemiya.

Lakip dinhi ang 84 sa North Cotabato, 18 sa Sarangani, 72 sa South Cotabato ug 24 sa Sultan Kudarat.