Pormal nang gisalang sa pagdungog sa Committee on Laws and Rules sa General Santos City-Sangguniang Panlungsod ang usa ka sugyot-ordinansiya, diin tumong nga pag-waive sa franchise fee sa mga tricycle, sulod sa usa ka tuig, aron matabangan ang maong sektor nga makalingkawas sa nasinatiang economic crisis, dala sa pandemiya.
Subay sa proposed ordinance, SPPO NO. 1921-0258, sakop lamang sa maong lakang ang franchise renewal og walay apil ang mukuha o mag-aplay pa lang og prangkisa.
Gilaumang anaa sa ₱ 2,000 ang ma-libre sa mga tricycle drivers ug operators higayon nga maaprubahan ang maong sugyot.
Una nang gihatagan sa city government og tax relief ang mga anaa sa micro, small and medium enterprises (MSMEs) taliwala sa Covid-19 pandemic. (John Rey Somido)