Ang buhatan sa BJMP Dipolog City Jail Male Dormitory, nisalmot sa usa ka mahinungdanong paghandom sa Ika-82nd Araw ng Kagitingan nga adunay Tema nga “Pagpaparangal sa Kagitingan ng mga Beterano: Saligan ng nagkakaisang Pilipino”,nga gipahigayon didto sa Museum Grounds, ning dakbayan sa Dipolog, mga 8:00 sa buntag, Abril 9,2024.
Ang maong kalihokan gipangunahan sa Bise Mayor ning dakbayan sa Dipolog nga si Vice Mayor Senen O. Angeles,nga gisalmotan sa 13 ka mga personahe sa Bjmp Dipolog City Jail Male Dormitory, ubos sa superbisyon ni City Jail Warden CINSP Arvin Dan R Aguito ug pinaagi ni Chief Security and Control,INSP REYMAR P DEL VALLE ug sa partisipasyon sa nahimong guest speaker sa kalihokan ug Hepe sa Kapulisan sa dakbayan sa Dipolog nga si PTLC Vedasto J Dasmariñas III.
Gilatid niini ang kaisog sa mga bayani nga nag-una kanato,ug pag preserbar, pagtagamtaman karon sa hingpit nga kagawasan nga naghatag ug dalan alang sa kalinaw ug kauswagan, demokrasya nga maisugon sa pagpakig-away alang sa atong kagawasan. (Medalyn U. Borja)
(Source: BJMP Dipolog City Jail Male Dormitory)
