Mahigit 40 miyembro na ng Philippine National Police Highway Patrol Group (PNP-HPG) ang nagmamando na sa trapiko sa EDSA katuwang ang Metropolitan Manila Development Authority (MMDA) sa ikatlong araw.
Ayon kay PNP-HPG traffic enforcement unit chief Emmanuel Tabuena, ang mga traffic officers nila ay hinati sa dalawang shift; 5 a.m. hanggang 3 p.m. at 3 p.m. hanggang 1 a.m..
Ang mga nasabing HPG officer ay sasamahan ng 100 enforcers mula sa MMDA.
Ang HPG officers at MMDA enforcers ay nagtipon kaninang 5 a.m. sa ilalim ng Santolan flyover para sa kanilang formation bago ang deployment sa iba’t ibang lugar sa EDSA.
Ang police officers ay itinalaga mula sa kanto ng Timog Avenue hanggang Ortigas Avenue at vice versa.
Patuloy na paiiralin ng HPG officers at MMDA enforcers ang maximum tolerance para sa mga motorista.
