Pagadian City – SIKOP ang HVI ug PDEA target listed homan nga gikasa ang Drug Buy-Bust Operation nga gipangunahan sa Regional Drug Enforcement Unit-9 sa pagpangulo ni Police Lieutenant Dominic Dalena, kauban ang PDEA- Zamboanga Del Sur, RID9, RIU9, PIU- Zamboanga Del Sur ug sa 902nd Mobile Company – Regional.Mobile Force Battalion 9, sa may NJK Subdivision, Purok Gemilina, Buenavista, Pagadian City.
Ang suspetsado naila nga si OLIMPIO NACILLA IGNARIO a.k.a. AMAY, 34 anyos, minyo ug residente sa Purok San Francisco, Buenavista, usa ka JAMAL GAOSIL CALIB, 46 anyos, ulitawo l, risedente sa Zone 1, Tiguma, Pagadian City, ADRIANO NANO BALUCAN, 50 anyos, balu, lumolupyo sa NJK Subdivision, Purok Gemilina, Buenavista, BENJAMIN AWA FLORES, 18 anyos, studyante residente Purok San Francisco, Buenavista, Pagadian ug usa ka ginganlan ug Mago nga maoy nakasibat.
Atol sa operasyon nakumpiska ang 6 ka dagkong pakete sa gituohang shabu, ug laing 6 ka gagmay nga pakete sa shabu nga mukabat sa 10 gramos ug mubalor sa 68 mil ka pesos ang market value niini. Nakumpiska usab ang tulo ka klase sa cellphone, 6 ka klase- klase nga ligthers, 25 ka pinilo nga aluminum, usa ka improvised tooter, usa ka rolyo sa aluminum foil, usa ka improvised needle, usa ka unit sa 38 revolver ug l5 mil ka pesos isip buy bust money.
Samtang ang mga dinakpam ang anaa sa kustodiya sa PDEA ug RDEU9 kon asa go andam na ang kaso nga ipasaka sa korte batok kanila.
Via Wendel Cabrera
Photo courtesy of PDEA ZDS
