Gikanayon ni City Administrator ug tigpamaba sa Gensan Inter-agency Task force Atty. Arnel Zapatos nga dapat ipatuman ang striktong patakaran sa health protocol sa tanang mga trabahante ug mga negosyante sa Gensan Fishport nga unang gikatahong daghan ang mga nakasupak sa mga gipatumang health protocol sa kampanya batok sa covid 19 pandemic .
Unang gikataho sa mga local media nga daghan sa mga kumprador ug mga trabahante sa Fishport ang wala mituman sa health protocol pinaagi sa wala pagsuot ug mga facemask ug walay klarong social distancing partikularmente sa market 1 , 2 ug 3 nga diha ginahabwa ug gitimbang mga isda gikan sa barkong panagatan .
Dugang gikanayon ni Atty. Zapatos nga sukad sa ECQ kon Enhance Community Quarantine ug General Community Quaratine nga daghang mga report ang ilang nadawat sa mga pagsupak matud pa sa patakaran sulod sa fishport ilabina sa health protocol.
Apan nakasabot matud pa ang IATF sa nature sa trabaho ilabina sa tighabwa ug tigtimbang sa mga isda kalakip ang mga negosyante apan dili angayang ibaliwala ang health protocol tungod dilikado pa gihapon nga mokuyanap ang Covid 19 sa fishport ug ang labing gikahadlokan nga local transmission . Hinuon wala pay na report nga positive case sa covid 19 sa Gensan fishport hangtud karong panahona .
Gisalig na lamang kini karon sa tagdumala kon Management sa PFDA kon Philippine Fishing Development Authority kon fishport management ang pagpatuman sa striktong health protocol . Una na kining gipadalhan ug Pulis ug uban pang mga enforcers aron mapatuman ang health protocol apan daghan gihapon ang nakasupak karong panahona . (Roniel Degorio, RPN-DXDX Gensan)