Cebu City – Gipaabot nga maka dawat ug mas dako nga take home pay ang mga trabahante sa mga holidays sa buwan sa Abril.
Ang Abril 1, Huwebes Santo; Abril 2, Biyernes Santo; Abril 3, Sabado Santo ug Abril 9, Araw ng Kagitingan dunay lain laing computation alang sa suholan sa mga mamumuno.
Giawhag ni Department of Labor and Employment (DOLE)-7 Regional Director Salome Siaton nga “religiously” kining tumanon sa mga employers ang rules sa pagbayad sa maong mga holidays.
Ang Labor Advisory No. 4 naglatid sa hatagan nga sweldo alang sa Regular Holiday sa Abril 1, 2 ug 9, tuig 2021 ug Special Non-Working Holiday sa Abril 3, 2021.
Abril 1, 2 ug 9-Regular Holidays
Matod ni Siaton, kadtong mga trabahante nga dili mo report sa Abril 1, 2 ug 9 dunay madawat nga 100% sa ilang inadlaw nga sweldo.
Samtang kadtong mga trabahante nga mo report nianang mga adlawa, Regular Holiday bayran ug 200% sa inadlaw nga sweldo sa unang 8 ka oras.
Alang sa trabaho nga lapas sa 8 ka oras nianang adlawa o overtime, kinahanglang bayran ug dugang 30 porsyento sa ilang hourly rate nianang adlawa.
” For work done on that day, which also happens to be the rest day of the workers, employers must ensure looking closely into computation of their wages. This time, workers must be paid an additional 30% of their basic wage of 200%,” gipasabot ni Siaton.
Abril 3-Special Non-Working DayÂ
Kung dili mo duty ang trabahante sa Abril 3, ma apply ang “no work, no pay” principle gawas lang kung dunay collective bargaining agreement (CBA) nga naghatag ug sweldo nianang adlawa bisan kon wa mo trabaho.
Niadtong trabahante ng mo report sa trabaho sa maong adlaw, makadawat sila ug dugang 30 porsyento sa ilang basic wage sa unang 8 oras sa trabaho.
“Workers will be rendering overtime work, they should receive an additional 30% of their hourly rate on that day,” giklaro sa director.
Hinoon, ubos sa Labor Advisory No. 4, kadtong establisemento nga totally closed o mihunong sa operasyon atol sa community quarantine period, exempted sila sa pagbayad sa holiday pay alang sa Abril 1, 2 ug 9 tuig 2021 isip national emergency gumikan sa pandemiya. (Jhon Tadlip/JTY)
(News & photo courtesy of Department of Labor and Employment 7)