Cebu City – Gipangguba sa MOD o Market Operations Division sa dakbayan sa Sugbo ang dul-an sa 1,000 ka illegal ug tikasan nga timbangan nga nasakmit gikan sa mga manindahay sa Carbon Market nga wala marehistro panahon sa registration niadtong Oktubre.
Gisultihan ni Irvin Cabales, pangu sa MOD, ang mga vendors nga kinahanglang irehistro ang mga timbangan aron pagseguro nga husto kini sa timbang ug walay konsumidor nga madisbentahaan.
Matod ni Cabales, ang usa a depektosong weighing scale nga manikas sa pumapalit makaguba sa reputasyon sa tibuok mercado sanglit magtuo man ang biktima nga mao usab kini gibuhat sa uban.
Subay niini, giagni niya ang mga manindahay nga iparehistro ang ilang timbangan aron dili masakmit ug maguba sama sa nahitabo gahapon sa buntag diin gipaligsan sa pison ang mgatimbangan.
Nasayran nga gikansa 5,000 ka vendors sa Carbon, 1,500 lang ang narehistro sa miaging buwan diin 124 ang hisakpang depektoso.
Ang  MOD, matod ni Cabales, nakahipos na og hangtod sa ₱ 66,524 sa registration fees.
(Jhon Tadlip/JTY, photo courtesy by Ramil Ayuman)
(Source: Cebu City Market Operations Division)