Cebu City – Gidili sa kagamhanan sa dakbayan sa Sugbo ang pagpanaygon sa kabalaka nga mogara ang coronavirus disease o Covid 19.
Suma pa ni Mayor Edgardo Labella, iyang nakita nga ang pagpanaygon makaingon usab sa paghugop sa tawo ilabi kay sagad sa manaygon grupo-grupo ug kuyaw sa kalapasan sa social distancing protocol.
Tungod kay dili man mailhan kanus-a ug pilay gidaghanon sa manaygonay panahon sa Pasko, matod sa mayor, angay lang nga i-ban ang susamang kalihokan samtang anaa pa ang hulga sa Coronavirus Disease o COVID-19.
Nagkanayonsi Labella nga dili lang una niya itugot ang pagpanaygon sa kabalayan, sa mga sakyanan ug kadalanan ug nanghinaot nga makasabot ang tanan.
Apilsa caroling ban ang mga pribadong lugar sams sa mga subdivision, condominium, ug ubang establisimento.
Ang pagsupak sa ban nagpasabot og kalapasan sa pagdili sa social gatherings.
Lahi saMetro Manila diin mga menor de edad lang ang tumong sa ban, sa Cebu City ang tanan gyong  edad ang gidid-an pagpanaygon.
Ang mando ni Labella gisabak sa giluwatan niyang executive order gahapon.
(Jhon Tadlip/JTY, Photo courtesy by Tim Cowley)
(Source: Cebu City Provincial Information Office)