Cebu City – Run Gwen Run!
Gilusad karong adlawa sa multisectoral group sa Sugbo ,ang Gwen Garcia for Senator Movement Ang Probinsyana-Cebu’s Pride, Abril 29, 2021.
Ang maong grupo pinaagi sa Convenor nga sila si Magsisibya ug International Boxing Judge Edward Ligas, Maria Pino, Neil Papas ug Erwin Goc-ong nag awhag kang Gov. Garcia nga modagan pagka senador sa umaabot Mayo 2022 nga elections.
Matod ni Ligas inisyal ni nga activity nga nag awhag kang Gwen.
Tumong niini nga ipakita sa katawhan nga ang kagahom naa sa mga tawo ug kinsay maoy angayan.
Alang kang Erwin Goc-ong, Chairman sa Cebu Market Vendors Multi-Purpose Cooperative ( CEMVEPCO) ,iyang nakita nga dunay lig-on sa Senado nga magdala sa tingog pinaagi ni Gwen.
“Kusganon ako nga misuporta sa niining maong kalihukan gumikan kay dako sab namo nga damgo nga duna na unyay Sugboanon nga Senador nga maoy modala sa amoang mga yangongyo, mga concerns sa merkado ug sa Kooperatiba. Ako, masaligon kaayo ko  nga mahatag siya’g lkaayuhan dili lang dinhi sa Sugbo , kundi sa tibook nasud…” mensahi ni Goc-ong.
Samtang si Neil Papas, usa ka International boxing judge ug Municipal Administrator sa San Remigio, mi presenta ug upat ka factors sa pagduso ni Gwen.
“Kaming nga judges nagtan aw mi ug upat ka factors nga maoy basihan sa among pag score sa ringside kinsa ang boxer nga modaug sa matag round sa usa ka boxing match: effective aggression, ring generalship, clean punching ug defense. Kining upat ka criteria maoy akong gamiton nga analogy sa akong pag describe kang Governor Gwen Garcia,” pasabot ni Papas.
Nakita ni Papas nga si Gwen is forcing the action and is dictating the pace, effectively counterpunch the threats to reviving Cebu’s economy, sets the tempo of the fight against unfavorable socio-economic conditions of the province ug makes herself available as the defender of the poor.
“Panahon Na Alang sa Tinuod nga Cebuano,” mensahi nga gikanamot pag suwat nga mabasa sa banner atol sa launching. (Jhon Tadlip/JTY)
(Source: Gwen for Senator Movement, photo courtesy by Edward Ligas)