Cebu City – Gihangyo sa lokal nga kagamhanan sa Syudad sa Sugbo nga mahatagan ug “fair share” sa mga doses sa mga bakuna nga bag-ong nangabot homan ma hunong ang vaccination alang sa senior citizens sa dakbayan.
Matod ni Cebu City Mayor Labella nga homan siya masayod nga si Vaccine Czar Secretary Carlito Galvez mi report kang President Rodrigo Duterte nga dunay niabot nga laing 500,000 ka doses sa Sinovac, iya dayong gi communicate si Secretary Galvez.
Hangyo ni Labella nga mahatagan ug tukmang pahat alang sa mga senior citizens tungod kay matod pa, daghan ang willing magpabakuna basi sa online registration ug naghuwat lang kini nga moabot.
Gibutyag sab ni Labella nga dunay umaabot nga 150,000 doses sa Sputnik V vaccine.
Una nang gipasalig sa Secretary nga by June or July mangabot na ang ubang brand sama sa Moderna ug Pfizer ug uban pang mga brand.
“We are doing our best to be prudent in spending the budget that the City Government has allocated for the purchase of our own vaccines,” matod ni Labella.
Iyang gipasabot nga una mogamit sa kaugalingong pondo pagpalit sa maong supply, paaboton usa nga mahuman ang National Government og rollout sa free doses, kay matod pa, mag-agi man sab gyud nila ang pagabuhaton nga tripartite agreement. (Jhon Tadlip/JTY)
(Source: Cebu City Government, photo courtesy by Edgar Labella)