Cebu City – Nagtinguha ang CCCI o Cebu Chamber of Commerce& Industry sa pagsalga sa Regional Development Council o RDC-7 aron pangayoan og katin-awan ang Visayan Electric nganong mahal ang bayranan sa kuryente sa rehiyon.
Suma pa sa CCCI, ang taas nga bili sa gahom-dagitabnon nakahatag og babag sa economic competitiveness sa dakbayan sa Sugbo.
Kon pakubsan ang cost of power, molambo ang production sa siyudad ug moburot ang competitiveness sa mga tigpatigayon.
Subay sa panukiduki sa CCCI nga mitandi sa data sa ubang power utilities sa nasod, ang Visayan Electric ang nag-una sa kamahal sa singil ug ikatulong biggest distributor.
Ang kompaniya mokolekta og tag-kapin sa 11 pesos matag kilowatt hour sa mga panimalay.
Mialegar ang mga negosyante nga ang Visayan Electric nakalapas sa Electric Power Industry Reform Act o EPIRA Law tungod sa co-ownership issues diin ilang gikuha ang kapin sa 50 porsyento sa ilang suplay sa associated firms sukwahi sa probisyon sa balaod.
Ang naasoyng kompaniya giingong mipalit sa ilang suplay sa VECO-affiliated companies sa taas nga presyo bisan kon ang ubang non-affiliated independent Power Producers ug ang WESM o Wholesale Electricity Spot Market mas barato ra.
(Jhon Tadlip/JTY, photo courtesy of VECO Website)
(Source: Cebu Chamber of Commerce and Industry)