35.4 C
Manila
Friday, April 19, 2024

Governor Solon Mapasalamaton Sa Mga Bendisyon Taliwala Sa Pandemya

- Advertisement -

Mapasalamaton ang gobernador sa probinsya sa Sarangani nga si Governor Steve Chiongbian Solon sa mga panalangin, bendisyon ug kalampusan taliwala sa pandemya.

Gani, sa bag-uhay lang nahuman nga pagbakuna batok tipdas ug rubella sa tibuok Rehiyon Dose, nahimong Top 1 ang Sarangani nga labing daghan ang nabakunahan nga mga kabataan basi sa target children nga gi-imposar sa Department of Health. Nakakuha ang Sarangani og 99.84 percent. Gisundan sa South Cotabato 95.72 percent, ug ikatulo ang Sultan Kudarat 90.15 percent.

Sa iyang mensahe online atol sa ika-28 ka tuig nga foundation anniversary ug ika-18 nga MunaTo Festival sa probinsya sa Sarangani, gibutyag ni Governor Solon nga angayan lang iphon ang gaabot nga mga grasya aron pasalamatan ang Labaw nga Makagagahum.

Dako ang iyang pagdayig sa pito (7) ka mayor sa Sarangani ug sa mga frontliner sa pagpaningkamot nga dili na mukatap pa ang matakdan sa COVID-19. Nagpasalamat usab kini nga adunay Sarangani Provincial Hospital nga nagsilbi nga provincial isolation facility. Nagpabiling libre ngadto sa mga residente ang mga medical certificate, laboratory, bisan na ang pagpailalum sa rapid antibody test, rapid antigen test ug RT-PCR test.

Sa labing ulahi nga report sa DOH XII, aduna na lay kwarenta’y sais (46) kabuok indibidwal ang active cases sa Sarangani Province. Usa (1) nag-positibo sa Coronavirus nga taga-Maitum, usa (1) pud sa Maasim, usa (1) usab gikan sa Malungon, tulo (3) sa Kiamba, upat (4) sa Malapatan, trese (13) sa Alabel, ug baynte tres (23) sa Glan.

Walay laing hangyo si Governor Solon sa taliabot nga Pasko ug Bag-ong Tuig kundili padayong managana pinaagi sa padayong pagtuman sa mga personal safety protocol. Sayod naman matud pa ang kadaghanan sa nasinatian ni Malapatan Mayor Jun Sumbo nga na-comatose sa hospital, maayo na lang nag-milagro ang Ginoong Hesukristo kaniya.

Sa selebrasyon sa founding anniversary sa Sarangani, nihatag og mga mensahe via virtual sila Senador Manny ug Congressman Ruel Pacquiao, Vice Governor Elmer De Peralta ug ang tanang mayor sa pagsuporta kana sa mga board member. Lakip gipasalamatan ni Governor Solon ang mga national government agency nga padayong nagbubo og pondo ug mga kaayuhan ilalum sa Sulong Sarangani flagship program katugbang ang magsuong Pacquiao.

Walay laing gibuhian nga panapos nga MunaTo greetings si Governor Solon kundili ang mga pulong sa Bibliya, partikularmente sa Salmo 127: 1-2. Mao matud pa kini ang sekreto sa kalampusan sa Sarangani ug bisan na sa tagsa-tagsa ka kaugalingon. Kawang ug walay kapuslanan ang pagtukod og balay bisan ang pagtukaw sa gwardya, ang pagmata og sayo, pagbilar sa gabii, ug paghago sa matag adlaw aron lang makakaon, kung wala ang tabang ug proteksyon gikan sa Ginoo.

Pwede rang maguba ang gitukod nga balay ug masudlan sa kaaway ang usa ka lugar bisan anaa pay bantay kung ang tibuok dapit ang wala panalipdi sa Kahitas-an. Kulangon sa kanunay ang pagpanginabuhi kung walay Ginoo sa taliwala. Himuon dapat matud pa nga sentro sa kinabuhi ug sa pagpangalagad ang Buhing Diyos.

Matag tuig ginahalad ngadto sa Labaw nga Makagagahum ang entiro Sarangani Province pinaagi sa Jesus Reigns celebration. Makanunayon ang pag-ampo nila Governor Solon nga magpabilin ang God-centered Governance aron ana usab ang kalambuan ang God-centered Prosperity sa katawhan.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -