Mangnamnama ni Gov. Matthew Marcos Manotoc a naadalanen dagiti umili kadagiti mabalin a pakaakaran iti infection ti Covid-19.
Daytoy ket kalpasan a dinakamatna ti gobernador a kaadduan pay laeng a pakaalan iti virus ket manipud iti panagpadaya, pannakidaya, pannaki inum debut, pannakidungaw ken dadduma pay a pagaadduan iti tao.
Kuna ti gobernador a saan a linged a dagitoy ti nangrugyan wenno namunganayan kadagiti nagsakit iti Covid ken outbreak iti maysa a lugar.
Nagapelati gobernador a liklikan pay laeng iti saan a panagpapaala, makipaala ken mapan makiin-inum tapno adayu a maakaran ti infection.
Inpagunamgunam na met iti agtultuloy a panangsurot kadagiti minimum health protocols nga inyetnag ti inter-agency task force for the management of emerging infectious diseases resolutions. Wenno IATF tapno malapdan iti ad-adda pay panagwaras oto Covid-19.
Innayon iti ama ti probinsia iti saan apanangiyaleng-aleng kadagitoy imbes agbalin a seryodo iti aniaman ga aksion kontra iti mapagbutbutngan a virus a nangrugi pay iti atinunus iti 2019.
(Rosita Macalipis, RPN DZRL Batac Correspondent)
(Source: Provincial Government of Ilocos Norte)