Ipinahayag ngunian ni Gov. Migz Villafuerte kan CamSur na mas higot ngunian an gigibohon na pagbantay kan mga LSI hali sa mga lugar na yaon sa ECQ asin MECQ orog na sa metro manila na boot maglaog sa probinsya.
Iyo ini an reaksyon kan gobernadora matapos na paluwason kan DOH_CHD an rekomendasyon sa pagsairarom kan CamSur sa general community quarantine huli sa paglobo kan mga kaso nin covid sa nagtalikod na duwang simana.
Sigun sa saiya, arog kan dati dai ninda tutugutan na makalaog an mga mayo nin negatibong covid-19 test, mientras na an mga mahihilingan nin amay na sintomas diretso naman sinda sa isolation facility kan probinsya.
Kasabay man kan nasabing rekomendasyon, pinag-aadalan pa ngunian kan gobernador an sinambit ng bagay, sa tabang kan provincial IATF asin DOH, provincial office asin iba pang opisina tanganing maasess an nasabing rekomendasyon.
Sa cuidad nin Iriga, maisog naman ngunian na mandadakop an mga awtoridad sad ai nagsusunod kan tamang protocol, dai pagsupong nin face mask asin face shield sa mga pampublikong lugar asin magin yaon sa laog kan mga establisimento komersyal.
An sinambit ng bagay iyo an napagkasunduan sa ginibong meeting kan IMT kan nagtalikod na aldaw kaibahan na an PNP asin mga CSU na iyo an mantitiket sa mga nagbabalga sa health protocol.
An cuidad kan Iriga, saro sa mga lugar sa CamSur na may pagdakol nin kaso kan covid-19 kaiba na an banwaan kan Nabua asin Bato digde sa Rinconada area.
Kasabay pa kan tiripon natukar naman an dapit sa paparaning bagyo na naghohoma na magdukot sa kabikolan asin kabisayaan.
(Source: Provincial Office of CamSur)
