Kalikagum ni Gob. Matthew Marcos Manotoc a sumaruno a prayoridad ti siudad ti Laoag ken ti ili a San Nicolas.
Daytoy ket kalpasan nga adu manen dagiti nagpositibo iti COVID-19 kadagiti nadakamat a lugar iti immune-una a gundaway.
Nupay kasta, imbatadna a ti pagyamanna basar iti naipadanon kenkuana a report amin a kaso ket adda iti sakop dagiti naka-lockdown a lugar.
Impalgakna a ti pagdaksanna ket naka-quarantine iti agdama ni Dr. Norman Rabago a COVID-19 consultant ti probinsia.
Kunana nga adda posibilidad nga agpaut iti pito agingga iti sangapulo nga aldaw ti panag-quarantine ti nadakamat a consultant ti probinsia iti COVID-19.
Mainaig iti daytoy, inbunannag ti gobernador a saan pay laeng a makapagsursur ni Rabago.
Iti baet daytoy, inpakaammona nga agtultuloy ti panagsursur ni major Roxanne Parado a mangidadaulo iti maisaysayangkat a “contact tracing” ditoy probinsia. (Ronald Domingo, RPN DZRL Batac Correspondent)
(Source: Provincial Government of Ilocos Norte)