Cebu City – Mius-os ug mibalik na sa normal ang presyo sa baboy ug manok sa kamerkadohan sa dakbayan sa Sugbo human mosulbong ug nagpabilin sa halos tulo ka buwan.
Suma pa sa pangu sa MOD o Market Operations Division, Irvin Cabales, ang presyo sa karneng baboy midailos na sa ₱ 160 ngadto sa ₱ 200 ang matag kilo gikan sa ₱ 260 ngadto sa P280 niadtong Enero ug Pebrero.
Hinuon, ang presyo sa baboy managlahi agad sa hiwa niini sa masa porkchop nga tag-₱ 115 ang kilo, liempo tag-₱ 180 ang kilo, tiyan ug tenderloin tag-₱ 180 ang kilo, paa ug unod sa atubangan ₱ 200 ang kilo, ug ang ubang bahin tag-₱ 170 ang kilo.
Matod ni Cabales, ang pagbalik sa normal sa presyo sa baboy naggumikan sa duha ka hinungdan.
Una, ang pagminos sa demand sa miaging Semana Santa ug pagsaka sa nangabot nga supply luyo sa ban sa mga dapit nga nabaniog sa ASF o African Swine Fever.
Peron gitataw ni Cabales nga ang nanud nga suplay gikan ra sa local suppliers.
Gipasabot sa opisyal nga ang pagminos sa supply sa baboy sa sayong bahin ning tuiga nag gumikan sa pag-us-os sa produksiyon sa mga nag baboyan sa pagtuo nga mohinay ang panginahanglan tungod sa pandemya. (Jhon Tadlip/JTY)
(Source: Market Operations Division-Cebu City, photos courtesy of Carbon Market | Richard A. Tumulak | Cebu Meat Shop Group)
