Radio Philippines Network
DYKC Cebu News Provincial News

Giplanong Pilot Implementation Sa Face-To-Face Classes Sa Region 7 Karong Enero Dili Madayon

Cebu City – Dili mahinayon ang gitakda untang pagpahigayon og dry run sa face-to-face classes sa mga tunghaang publiko sa piniling mga dapit sa Central Visayas karong sunod buwan.

Suma pa ni Director Salustiano Jimenez sa Department of Education o DepEd 7, ilang sundon ang nakab-ot nga desisyon ni Pres. Rodrigo Duterte pagkanselar sa pilot implementation sa limitadong face-to-face classes sa mga dapit nga minos og risgo sa coronavirus disease.

Matod ni Jimenez, ipadayon lang una nila ang pagpatuman sa blended learning modalities sama sa paggamitog printed modules ug digitized modules alang sa modular distance learning ug sa radio-based instruction ug television-based instruction.

Nagkanayon si Jimenez nga ilang respetohan ang hukom sa Presidente kay dayag nga naghunahuna kini sa kaayohan sa kinabag-an.

Alang niya, ang importante nga mapadayon ang pagtuon sa kabataan taliwa sa hulga sa pandemya.

Gitug-an ni Jimenez nga mokabat unta sa 89 ka eskuylahan sa 13 ka schools division sa rehiyon ang  moapil sa dry run sa limitadong face-to-face classes sa Enero.

Kini naglakip sa Cebu Province, Lapu-Lapu City, Carcar City, Bogo City, Tagbilaran City, Bohol Province ug Siquijor Province. (Jhon Tadlip/JTY)

(Source & photo courtesy of DepEd -7)

Related posts

Lapina: Peace 911 May Replicate To Municipality Of Sto. Tomas

RPN

Report On Arrest Of Other Wanted Person Leon B. Postigo MPS

RPN

Mga Kompyuteran Pagatutukan Sa Mga Kapulisan

RPN News