Nakaandam ang General Santos City government sa pagdawat sa bagong batch sa mga locally stranded individuals nga nakatakdang moabot karong semana, gikan sa Metro Manila.
Sa usa ka pamahayag, giasoy ni City Administrator, Atty. Arnel Zapatos nga aduna pay igong pasilidad ang siyudad nga kabutangan sa maong mga LSIs, alang sa ilahang mandatory quarantine requirement.
Gawas pa niini, padayon usab matod pa ang pakig-alayon sa LGU sa mga nagkadaiyang hotels, inns ug pension houses sa siyudad, asa puwedeng himuong government-assigned quarantine facilities.
Base sa taho, ginabanabang anaa sa 110 ka mga GenSan-basd LSIs ang apil sa ikaduhang batch nga gitugutan na sa gobyerno nga maka-uli sa nagkadaiyang mga probinsiya, ilawom sa sa padayong Hatid Tulong program sa gobyerno.
Sa datus sa Hatid Tulong secretariat, anaa sa 805 LSIs sa Region 12 ang padulong na karon sa rehiyon, human mibiya sa kauluhan niadtung Sabado.
